სამსახურის თანამშრომლებმა განათლების სექტორის წარმომადგენლებთან შეხვედრა ქალაქ ბათუმში გამართეს
პერსონალურ მონაცემთა დაცვის სამსახურის თანამშრომლებმა განათლების სექტორის წარმომადგენლებთან შეხვედრა ქალაქ ბათუმში გამართეს. შეხვედრას...
2024-04-17
პერსონალურ მონაცემთა დაცვის სამსახურმა 2024 წლის 3 თვის საქმიანობის ანგარიში გამოაქვეყნა.
საანგარიშო პერიოდში, სამსახურმა მიიღო 666 განცხადება/შეტყობინება, რომელთაგან 601 (90%) შეეხებოდა მონაცემთა დამუშავებას კერძო ორგანიზაციებში, 58 (9%) — საჯარო უწყებებში, ხოლო 7 (1%) — სამართალდამცავ ორგანოებში.
სამსახურმა ჩაატარა მონაცემთა დამუშავების კანონიერების შემოწმება (ინსპექტირება) 57 ფაქტზე. მათგან 42% (24) ჩატარდა გეგმურად, ხოლო 58% (33) — არაგეგმურად.
სამსახურმა დაადგინა პერსონალურ მონაცემთა არაკანონიერი დამუშავების 29 ფაქტი, მათგან 25 ფაქტი გამოვლენილ იქნა 2023 წელს დაწყებული და საანგარიშო პერიოდში დასრულებული, ხოლო 4 ფაქტი — საანგარიშო პერიოდში დაწყებული და დასრულებული შემოწმების (ინსპექტირების) საფუძველზე. 66% (19) შემთხვევა შეეხებოდა კერძო სექტორში, 34% (10) — საჯარო სექტორში, ხოლო 0% (0) — სამართალდამცავ ორგანოებში მონაცემთა არაკანონიერ დამუშავებას.
სამსახურმა საჯარო დაწესებულებებისთვის და კერძო ორგანიზაციებისთვის, ასევე სამართალდამცავი ორგანოებისათვის გასცა 58 დავალება და რეკომენდაცია.
საანგარიშო პერიოდში სამსახურმა როგორც ზეპირი (სატელეფონო და პირადი შეხვედრების ფორმატში), ასევე წერილობითი ფორმით 6781 კონსულტაცია გასცა.
სამსახურმა სატელეფონო კომუნიკაციის ფარული მიყურადება-ჩაწერის შეჩერების მექანიზმი (კონტროლის ელექტრონული სისტემის საშუალებით) 13 შემთხვევაში გამოიყენა.
საანგარიშო პერიოდში სამსახურმა მონაცემთა უსაფრთხოების დარღვევის (ინციდენტი) თაობაზე მონაცემთა დამუშავებისთვის პასუხისმგებელი პირისგან მიიღო 1 შეტყობინება.
სამსახურმა ჩაატარა 47 შეხვედრა 2635 დამსწრე პირთან, რომელთა ნაწილი წარმოადგენდა როგორც მონაცემთა სუბიექტს, ისე დამუშავებისთვის პასუხისმგებელ პირს.
ვრცლად https://pdps.ge/files/content/სამსახურის%203%20თვის%20საქმიანობის%20ანგარიში_იანვარი-მარტი_1713339507.pdf